爸爸你做セ呀

星期曰下午，打算駕車去沙田一城、爸爸如常取車，泊車在14座樓下，上樓接埋charlotte b, 爸爸放charlotte b落ＢＢ車坐後，因心急怕被鎖車，趕快想先推chalotte b 落樓下上車先、當爸爸推ＢＢ車踏出門口之際、Ashley向爸爸問:爸爸你做セ呀?爸爸便很自然一路推ＢＢ車、一路回答Ashley: 爸爸推chalotte b 去禁先, Ashley覺奇怪便再問爸爸:爸爸你做セ呀?這時，爸爸才發覺自己還穿著拖鞋未換波鞋便踏出門口, 爸爸說: 係喎!Ashley真醒, 或許小朋友視線比較低.

開心果

Ashley很喜歡吃nut類食物, 如合桃...星期六晚, 我帶佢去買餸時, 順道買了一些開心果以應節...每當我吃開心果的時候, Ashley都會要求吃...為免佢吃得太多, 我假稱這粒開心果太硬了, 不能吃...誰知Ashley回應說:"揀一粒軟啲俾我"...我稱奇, Ashley知道硬的相反是軟呢.....

站起來了

Charlotte B 四個多月時, 在母嬰健康院檢查時, 醫生覺得佢條頸過軟, 還未能在伏身時把頭抬高, 於是, 建議在兒童發展評估中心跟進, 以"development delay"為理由...其實, 我並不十分擔心, 因為在健康院回家後, 我發現Charlotte B 已懂得把頭仰高, 可能佢在健康院時的表現不理想, 加上, Charlotte B 吃奶份量較少, 比同月齡的小朋友略為細小..故體能較差...

及後, 兒童發展評估中心對Charlotte B的初步評估結果為"肌肉張力"較差, 腰力較差, 但智力並沒有問題, 於是轉介到九龍醫院做物理治療, 希望能夠協助佢快些學行路. 

在完成第一次物理治療後, 治療師給了我一張家課紙, 讓我回家跟Charlotte B多多練習, 內容包括盡量令佢坐直, 要讓Charlotte B按住枱面站起來等等(練腰力)...

最近我發現Charlotte B有很大進步, 懂得由伏在地上轉身坐起來, 還坐得很穩呢! 另外, 佢還曉得攀住ＢＢ牀攔杆站起來, 然後挨住欄杆企, 令我們嘩然, 正因為佢已懂得扶着欄杆站起來, 我們已把BB牀放低一格, 以免她跌出來....

安心了, Charlotte B 終於懂得站起來, 下一站便是學走路了...努力加油啊!

拍拍手

Charlotte B 懂得跟着我拍拍手..昨晚, 我和Ashley在拍手唱歌, 誰知Charlotte 坐在BB床上, 笑着跟着我們拍拍手打節奏, 好可愛呀!

Playgroup

於Ashley差不多一歲時, 我曾經帶她參加過Disney環宇世界的playgroup.  那時, Ashley常哭, 如看不見我就狂哭...記得我上洗手間的時候, 爸爸抱着她在門口等, 她已哭至整個playgroup room 都聽到..我一步出洗手間, Ashley立即停上哭閙, 當時人人都稱好神奇呀!

之後、大約到兩歲三個月, 我就帶她去通利琴行舉辦的music playgroup, 雖然Ashley在堂上表現得很害羞, 老是跟着我...但她是十分喜愛上這playgroup, 每次叫她起床(午睡)去上堂, 她都立刻起床換衣服, 完全沒有撤嬌扭計 ...以下就是通利Playgroup 的最後一堂...係爸爸揍Ashley番的...

番咗幼兒園之後, 有見太多時間, 於是我又替Ashley報名學芭蕾舞, 初初Ashley沒有問題, 自己一個人入去跳舞室, 但不知是否受其他小朋友影響, 上兩三堂後就哭着要我和她一同上課...幸好這情况只維持了一段很少的時間, 現在Ashley可喜愛跳舞呢, 回家後, 有時還跳給我看...

早晨!

我一直教導Ashley起床後一定要跟我說"早晨"...不知是否長期聽着我們說早晨,  今朝我對Charlotte B說早晨, 佢竟然回答我"早晨"...不是我錯覺, 我真的聽到Charlotte B發出說"早晨"的音...沒有錯的, Charlotte B真的有意識說早晨!

半夜醒來(三)

原本Charlotte B的睡眠質素都幾好, 很少半夜醒...但自從爸爸稱讚她後, Charlotte B 就開始經常在半夜吵醒, 要抱抱才再入睡....老人家說得對, BB是不可讚的...

海洋公園遊

因為買了全年通行証, 我們就當海洋公園你係普通公園, 閒時就去...地方又大, 又有小朋友遊樂場, 簡直啱哂Ashley...上星期日還相約Ashley同學仔趙康晴一家一同遊玩...
以下就係出發前look, Charlotte and Ashley 坐在車上準備前往海洋公園

另外, 有一次在海洋公園還踫見Chester一家, 他們也同樣買了全年通行證, Ashley 跟Matthew 一起玩機動遊戲..

No..No....

現在Charlotte B在地下爬得很快, 還懂得爬到Ashley的衣櫃, 打開衣櫃最低個架櫃桶, 拿衫出來...當我叫喊No! No!的時候, Charlotte B神奇地立即停止, 好像懂得聽No...

另外, 今早, 當Charlotte B爬到鞋櫃時, 正想觸摸Ashley's 鞋時, 我又立即叫喊 No.No...果然Charlotte聽得懂, 原本已伸出準備觸摸Ashley's 鞋的手突然停下來, 未有觸摸鞋就轉頭爬離鞋櫃...抵鍚!!!!

學行

記得Ashley十三個月時開始學行, 十四個月時已經懂得行了....記得有一次帶佢去愉景灣探望阿兒, 佢剛剛識行路, 但間中仍要扶着她一把, 當時, Ashley圓圓肥肥哋...有人仲話佢係肥妹仔.  唔知細妹Charlotte B 幾時識行呢? 但肯定Charlotte B 比家姐瘦啲...

煮飯仔

有一陣子, Ashley很喜歡玩煮飯仔.  記得在她一歲半的時候, 欣曉姐姐送了一堆煮飯仔的玩具俾佢.  當中, Ashley特別喜歡一個紅色的煲, 及一隻淺藍色的spoon...佢日日只係找這兩件玩具, 拿在手裏不放, 即使這兩件玩具放了在一大堆的煮飯仔玩具中, 她也要把這兩件玩具找出來...每日如是...到佢大啲的時候, 佢就曉得扮煮飯, 然後把煮好的食物分配給各公仔吃...

驚驚bird bird

不知道從何時起及何解, Ashley開始怕bird and dog, 在遠處望見bird or dog, 佢就已經不敢再走近及已驚叫出來, 以前Ashley都不知幾喜歡這兩樣動物, 我還欣慰佢並不像我害怕dog, 點知到佢大一點, 懂事後, 竟然遺傳了媽媽的天賦本能, "遠離dog dog"及看見dog dog就已害怕了....呢啲就係叫兩母女囉!

掛住媽媽

1月19日晚,媽瑪與林瑩,琴食生日晚飯, 媽8:00pm左右離開屋企，吖Ashley話落街買嘢,好快番, Ashley同爸爸一齊在家食飯、食得都几好，一直ok, 9:30pm 左右, 開始換睡衣, 飲奶,一如以往, 飲完再飲, 然後擦牙,准備入房瞓, 突然, Ashley哭著叫媽媽，聽到門外lift lobby有叮一声，便以為媽媽回來，走到門位哭叫媽媽‧結果，為避免失控，爸爸打电比媽媽，然後比Ashley聽, 媽媽叫Ashley 自已瞓, Ashley無奈地答:哦！及走入房瞓，但叫爸爸不要關門, 爸爸幫Ashley蓋好被後、Ashley 對爸爸哭著說:媽媽話自己瞓,爸爸出去啦！爸爸你出去啦！當然爸爸沒有出去,本來以為Ashley可自己瞓,但她突然又哭著叫媽媽,還起身、走到床边的窗望落街、扮打电話比媽媽:媽媽你响边度呀?我見到你喇、有隻dog dog 呀媽媽、小心D呀！真的是有点"精神分裂", 後來 ,爸爸同Ashley唱歌：doramon,及玩"手影"扮butterfly, panda, dinosaur,但她還不願瞓, 後來媽媽於10:30pm 回家,Ashley 又安心番。

律師樓

Ashley經常"駕"著自已的"私家車"說番律師樓, 有關此, 她曾於早一星期夜晚和爸玩時 16/1, 她同爸爸講:謝連輝、Matthew、律師樓咭，還扮作比咭片爸爸 。估計她是想扮爸爸介召自己及比咭片client

叫姐姐

於1月18曰早上, 爸爸還未醒，被Charlotte B 吵醒, 叫著姐姐, 因她醒了, 沒有人理佢, 她便叫姐姐, 姐姐是Tinah, 不是Ashley, 其實Charlotte B 早在多星期前，爸爸已經覺得她懂叫姐姐了、而叫爸爸呢！就早在兩星期前已懂叫爸爸，昨晚爸爸倍她沖涼、還叫爸爸叫得非常準確ｏ

Ashley Interview Look

暫時Ashley在幼稚園interview 的結果都唔錯, 大部份都被取錄, 現時只有培正食白果, 不過, 唔知培正的面試形式及內容是甚麽, 因為佢只淮小朋友獨個兒進入面試室, 只知是group interview, 真不曉得在內發生甚麽事情 (只有5分鐘時間), 我估計Ashley這麼怕羞, 一定在內不作聲, 所以培正不收...anyway, never mind lah, 以下是她在創價幼稚園面試前和我的合照, 面試結果? 掂咗!!!!

Charlotte B 睇書

晤好講笑, Charlotte B 會睇書呀, 不過, 唔知佢明晤明呢!

BB爬行比賽

上星期六下午, 中大祟基學院舉辦嬰兒爬行比賽, 爸爸見Charlotte B爬得好, 便替她報名參加.  適逢那天Ashley感冒, 我帶她去看醫生, 接着發覺佢吃藥後, 變得很疲倦, 還有輕微的發燒,  曾經一度猶疑應否去中大.  拖拖拉垃拉下, 仍然維持原先計劃...因此, 我們遲了出發, 到達中大時, BB爬行比賽已差不多開始了, 所以爸爸在工作人員催促下, 還等不及我來到, 已急不切地把Charlotte B放在起步點...在完全沒有warm-up的情况下, 拋下Charlotte B 在地上, Charlotte B當然被這突如奇來的拋下地面嚇怕, 立即哭起來, 結果我們放棄了比賽....

原來BB爬行比賽還有B組, 是讓3歲以下的小朋友參加, 於是我們"徵詢"Ashley的意願後, 讓她比賽...結果Ashley跑第一, 獎品是崇基貓頭鷹畢業戴四方帽公仔....其實Ashley是參賽者當中最大的一個, 當然有優勢啦, 哈哈!

之後, 我們回米埔與Kathly and family BBQ!

走甜

我察覺到Ashley都幾留意我們說話, 然後記在心中.
昨晚, Ashley玩着煮飯仔玩具時, 問我飲甚麽東西, 我說檸檬水, 她就接着問要走甜嗎? 原因是爸爸在餐廳叫飲品時, 一定要走甜, 最經常叫就是凍檸茶走甜, 所以Ashley有樣學樣, 問我要走甜嚒!!!

Charlotte B 識坐啦!

已經差不多10個月大了....一天, Ashley指着Charlotte 叫, "Charlotte B 識坐呀!"...真的, Charlotte B
自己坐在BB 牀裏, 獨個兒玩着玩具....不過, 佢始終喜歡伏在牀/地上....
Charlotte B 仲很喜歡吃星星香蕉餅, 及喝蘋果汁....只要有這兩樣東西, 佢就不哭鬧...Charlotte B現在已有六隻牙, 上四隻, 下二隻, 還喜歡咬東西...
昨晚, 佢手拿着Ocean Park地圖, 放入口咬...我立即大叫, "No!"...佢似乎神奇地聽得懂...望着我停了咬地圖...當我示意要取地圖時, 佢又立刻遞給我.....我估佢明白"NO"的意思了!

同學仔

Ashley有個同學叫趙康晴, 佢兩個都幾好, 從一開學, 已認識對方, 佢哋仲一齊學Ballet...而趙康晴的嫲嫲及媽媽都是很容易相處的人...佢哋仲好好客, 時常邀請我們到她家中作客...Ashley到過趙康晴家中兩次...佢仲很歡喜到趙康晴家中玩..有時還問我幾時再去呢!! 以下就是佢倆人在學校Christmas Party 拍下的照片:

媽媽生日

一月十日是媽媽生日, 為了慶祝一番, 我們一起到海洋公圖.  其實, 說是為我慶祝, 但實際是想Ashley及Charlotte B開心, 可以到樂園玩...今次, 我們決定要帶埋Charlotte B一起去, 一家人嘛! 所以無奈要請埋Tinah姐姐去.  為了有充裕的時間逗留在海洋公園內, 我替Ashley請了一天假...

今次, Ashley大膽了, 至少肯讓我抱着她跟大型公仔拍照, 相比以前, 佢一定哭着say no...估不到Charlotte B 完全不害怕, 當有表演人員走近她的時候, Charlotte B 竟亳不畏縮, 還眼金金看着表演人員呢!! 至於家姐, 已經怕得躲在我懷裏去...鑒於Ashley十分喜歡到海洋公園, 而我和爸爸又覺得這裏確是一個很好的兒童樂園, 所以我們決定買年票, 這樣, 一年365日我們都可以來....

晚上, 爸爸給了我一個驚喜, 在我替Charlotte B 在房洗澡後, 原來爸爸買了一個Thomas and Friends 的生日蛋糕, 把客廳燈熄了, 螢造驚喜的氣氛.  至於為何是Thomas 公仔蛋糕? 當然是因為Ashley啦...佢喜歡藍色嘛! 有蛋糕吃, Ashley最高興...可憐的Charlotte B就只有參與, 沒有份兒吃蛋糕了, 難怪佢"呀呀"叫啦!!!!

自己瞓覺啦

搬到黃埔花園後, 我就和Ashley一起睡, Ashley似乎非常喜歡這樣的安排.  我已不斷跟她說媽媽現在正替她準備一張新牀, 故搬回半島豪庭後, 佢就要自己瞓了. 有時佢話OK, 有時就say NO...不過, 我認為佢始終係不喜歡獨自瞓, 只是我不斷遊說她要獨自睡, 她才敷衍我說OK...

昨天, 我和爸爸收到設計公司send給我們的傢俬設計圖, 爸爸拿給Ashley看, 問她喜不喜歡, 爸爸還未向Ashley解釋設計圖時, Ashley竟像懂得看圖, 還指着那張子母牀, 然後說"上面我瞓, 下面媽媽瞓"...真厲害啊!  從一張設計草稿圖裏, 佢點知它是子母牀呢? 還懂得分配自己睡在上面, 媽媽睡下面...真不可少看現今的小朋友的智商!!!!.

2010年除夕夜

由於怕出街多人, 又想慶祝除夕夜, 於是我便帶埋爸爸, Ashley, Charlotte B 及 Tinah 去Ada 家吃晚飯...Ashley都不知多興奮, 有得和Jolie玩....同Jolie吃飯時, 更像大姐姐般叫Jolie坐定定吃飯...

...Ashley 又和Jolie一齊Jump jump...唱歌歌,  有了小朋友後, 都變得喜歡到朋友家中聚, 小朋友又有得一齊玩, 自己又方便照顧小朋友..

像不像?

Charlotte B 細個時候 (只懂得仰躺着), 家姐Ashley很喜歡躺在妹妹身旁 , 有時還攬着妹妹....不過, 一定要昅住, 因為Ashley會不自覺"整親"妹妹㗎....兩姊妹排排瞓, 你話佢哋似唔似對方呢!?

看馬騮

我記得在Charlotte B出世後兩, 三個月, 在不知甚麽原故下, 我和爸爸答應了Ashley帶她去看馬騮, 那個時候, Ashley時常提着馬騮, 還懂得馬騮的英文是Monkey....結果, 在一個星期日下午, 我們去了香港動植物公園, 以下就是Ashley出門前的look...

一字馬

你睇吓, Charlotte B的一字馬post, 隔離束花就是爸爸送給媽媽admit時的向日葵...可惜因要搬屋, 這束花不能帶到新屋去, 最終只可留在舊屋...可惜!!!

濕疹嚴重了

擔心死人啦!!!  Charlotte B 的濕疹又發作啦!....呢次仲嚴重, 有血水滲出來, 又要用類固醇..其實, Charlotte B 濕疹問題已困擾我三, 四個多月, 始終無法痊癒..即使曾經有好轉, 但很快又變差了...真係要再尋求名醫了....

而Ashley因最近天氣乾燥, 皮膚也乾燥痕癢起來, Ashley又抓它, 抓得皮膚也流血結疤...為何我倆個寶貝女的皮膚如此差勁, 難道是媽媽懷孕的時候, 沒有注重飲食, 害得她們天生皮膚粗糙!!????