Charlotte B 出疹!

在發燒過後, 昨天在洗澡時, 我們發現Charlotte B 身上及頸部長滿了一粒一粒的紅點, 我懷疑Charlotte 出疹, 這導致她發燒的原因..而Charlotte亦已退燒了!

快啲啦, 跑啦!

今早帶Ashley上學時, Ashley說, "媽媽, 快啲啦, 跑啦!"..我估計Ashley不希望再遲到...做媽媽的我真慚愧囉!!!!!!
學校在每一個月會訂下六個學習目標, 記載在學生手冊裏, 在這個月裏, Ashley全部目標也達到, 例如: 懂得聆聽老師的指示, 學習自己拿匙羹進食等.....但其中一個目標 "準時回校"就不太理想, 老師的評語是"未能完全做到"....唉! 都是媽媽不好....真的要檢討吓啦.....

Charlotte B 入院

星期六晚上, 我發現Charlotte B 頭很燙, 量一下體温, 竟然高達39幾度, 立刻喂佢吃退燒藥...

及至星期日晚上, 燒仍未退, 更高達39.7C, 為了安全起見, 我和爸爸待Ashley睡覺後立刻帶Charlotte B到QE急症室...

因為Charlotte年紀細, 醫生建議入院檢查, 及要做X-ray檢查, 驗血, 驗鼻水及尿...

面對陌生環境, 又要抽血檢查, Charlotte B已不停在狂哭, 一直要我抱着...當我放她在病床的時候, 佢就哭起來, 聞者心酸....

整晚我都在Charlotte B床邊陪伴她, 因為沒有預料要留院, 所以我也沒有準備日用品在身, 爸爸就在離開醫院前替我買了簡單用品, 如洗面毛巾, 蒸餾水....

幸好化驗結果沒有問題, 即使Charlotte B仍未退燒, 我也不理會醫生的建議決定帶Charlotte B出院, 因為醫院實在太多病菌了, 實不宜久留...

回到家裏, 吃了退燒藥, 半夜Charlotte B 體温仍高, 我又用冷水替她降温....

星期二早上我返工前, Charlotte已退燒了, 只有37點幾度...thank God! 

手舞足蹈 (二)

曾經提過Charlotte一聽到玩具屋所播出的music就會擺動身軀, 像在跳舞.  昨晚, 我, Ashley和Charlotte B 坐在玩具屋前, 跟着music移擺身子...Charlotte B好勁呀, music一響, 佢就雙手fig fig, 拍拍, 身軀跟着向前向後擺動....

家姐呀!

我家隔籬住咗一家人, 有一個類似Ashley歲數的小妹妹....

昨晚, Ashley還未回到家, 但Charlotte B聽到隔籬屋的小妹妹在叫喊, 佢就誤以為是Ashley家姐回來了, 所以很興奮地叫 "家姐, 家姐"...我們就對她說, "唔係呀! 家姐未返呀!"....但當隔籬的小妹妹再叫的時候, Charlotte B 又叫 "家姐, 家姐"... 我想Charlotte B一定很掛住家姐的...

唔去學英文!

昨晚接Ashley回家時, 外婆對我說Ashley今日上英文堂時不停哭, 似很淒涼的樣子....外婆見Ashley下課時, 哭至仍不停地喘息..心痛了...
我問Ashley為何哭, 她答"驚驚嗰黑忟忟老師"..原來教英文的老師係鬼佬, 有啲黑黑地, 像阿差般, 所以Ashley驚...
回家後, 我不停說服Ashley不用怕, 學英文很好玩, 但Ashley仍抗拒, 表明不再入課室了, 即使我說由媽媽帶她去上英文, 她都不願意...最後, 我說已交了所有學費, 不上堂會很浪費的...Ashley停了一會, 之後仍然說"唔入去嗰度", 仲越來越激動....最後, 為了安撫Ashley的情緒, 我只好答應她不用去了...唉! 下星期再作打算啦...

擺甫士

Ashley 越來越懂擺甫士影相, 現在影相都會望鏡頭...有時, 看見商塲有大公仔, 還主動要求合照...
Charlotte B就一路都識得影相望鏡頭, 很合作㗎, 有時還架架笑..
睇吓, 以下呢張就係Ashley"懶驕俏"的相囉..

冇遲到啦!

經過昨天遲到的經歷, 我和Ashley今日一早出門, 8:45am已回到學校...輕輕鬆鬆地步行, 多自如!  原來大部份的學生都趕在9:00am前才到達學校, 所以8:45am可算早, 沿途並沒有見到太多同學仔, 我想8:50-8:55分才算回校高峰期..
之後, 由於時間尚早, 我還去了百佳買餸, 然後回家跟Charlotte B玩一陣才上班...

要錢㗎

Ashley上星期六開始學畫畫, 每月連畫畫工具要千多元...我同Ashley講要俾心機學, 因為媽媽已幫佢交咗學費, 學畫畫要錢㗎....
怎知Ashley反問,"學英文呢! 要錢嚒?"..
我答, "學英文要錢㗎!"...
Ashley續問, "噤學跳舞呢?"..
我又答, "要㗎!"..
Ashley說, "咩要咁多(錢)㗎!!!"
我答, "係呀! 學咩都要錢㗎, 所以媽媽要返工囉!"
Ashley說, "噤番律師樓囉!"

又遲到了!

Ashley今早很扭計, 不知是否天氣凍的原固....佢一早噪吵嚷着要媽媽替她穿校服, 不肯讓Tinah替她更衣...唉!媽媽自己也要洗頭更衣, 那有時間替Ashley梳洗更衣, 結果便遲到了...更差的是, 今早又凍又下雨, 我又要拿傘, 又要抱着Ashley急急步行回學校, 真囉命!...回到學校, 當然校門已關上, 要由老師開門(有幾個小朋友也遲到), 記了名後, Ashley就自己步行回課室, 當時早會已經開始了, 唱緊校歌了, 不知Ashley是否領悟到自己已遲到了呢?! 下次起床後要乖啲呢?!

情人節

原本老公提議"撇低"細路, 我倆公婆去吃晚飯, 但我又唔捨得, 最終都帶埋Ashley及Charlotte去吃晚飯, 由於Charlotte也去, 為了輕鬆一點, 我也把Tinah帶去, 結果情人節晚飯變了一家四口再加上工人的飯局, 老公當然沒有反對啦, 佢最喜歡帶埋啲細路去....

因為Ashley喜愛吃pizza, 我們最終選擇了pizza hut...Charlotte B終於可以獨自坐BB椅啦, 佢昨晚的表現都算OK, 沒有哭閙, 只係不停攪桌上的餐具...Ashley當然興奮啦, 有得食pizza..

飯後, 我們還去了竉物店, 看看rabbit, kitten等小動物....Charlotte眼金金望四週, Ashley就很興奮, 但佢又有少少怕這些小竉物, 不敢走近, 總保持一定的距離觀望這些小動物, 不時笑嘻嘻, 真俾佢激死....2011年情人節就是這樣渡過了!!!!!

手舞足蹈

Charlotte B和Ashley細細個時一樣, 聽到music會拍拍手, 家裏有一個大屋玩具, 附有音樂制, 按不同的key就會有不同的music....以前Ashley聽到呢個大屋玩具所發出的music就會搖擺身軀, figfig頭..現在Charlotte也是一樣....一有music, 佢就手舞足蹈, 扭扭身軀, 一停music, 佢就停....有趣的是:佢倆姊妹都是只聽到呢個大屋玩具所發出的music才會手舞足蹈, 其他玩具所發出的music就無反應㗎....

Charlotte B 點滴

小朋友成長的階段真有趣...雖然Charlotte B 不曉說話, 只發出"呀呀"聲, 但佢開始喜歡跟我們玩...當爸爸和Ashley玩玩具槍的時候, Charlotte 會"㗎㗎"笑, 並手舞足蹈...如槍頭飛了出去, Charlotte B會爬過去把它拾起, 當我伸出手, 作狀叫佢把東西俾我們, 對她說"俾, 俾"..Charlotte B 真的把東西交給我們...
今早, 我一打開睡房門, Charlotte望到我, 立刻飛快地爬向我, 流露出十分興奮的表情, 我知佢很開心見到我出來....
現在我們放Charlotte B 在BB牀上, 佢都會站立, 扶着床欄望着我們, Charlotte B已不再願意睡在/坐在牀上了, 有時我還擔心佢企得太久呢....Charlotte B真可愛!!!!!!

柯屎

Ashley每次想柯屎，都会叫柯屎呀!柯屎呀!我們便急急抱她到馬桶，早几日、她柯屎時如常希望有人在她附近倍她，那我就在厠所門口同佢傾兩句、不時問她柯完未、她会一路柯，一路講:lee 舊好大, humm.., lee 舊好細humm.., 正核突豬

郭淑琴

今早, Ashley 9時多才起床, 佢昨晚曾向我提及喉嚨有少少痛, 所以我原本打算帶佢去看醫生, 當時我同爸爸在商量去看郭淑琴醫生, 還是，湯滿堂醫生, 在討論中, Ashley是躺在Sofa飲緊奶的.  最後, 爸爸着我先去郭淑琴醫務所看一看是否多人....所以, 我先離開家去...

之後, 爸爸也上班上去....

後來, 我和爸爸通電話, 決定暫時不須看醫生, 因為我們不希望小朋友過份依賴藥物..而且Ashley前兩天看醫生的藥仍未吃完, 最緊要Ashley十分精神, 佢話只有小小喉嚨不適, 故我和爸爸認為飲水是最好的冶療方法...在通電中, 爸爸告訴我當佢離開時, Ashley問佢去邊, 爸爸說返工, Ashley就立刻回應, "媽媽去咗郭淑琴嗰度"....原來這個小妮子在飲奶時, 已默默地聆聽我和爸爸的對話, 佢知道我去邊....唉!以後在小朋友前真的要注意自己的言行啊!!!!

大進步

十個月啦, Charlotte B最近進步了很多, 坐得很穩, 而且亦喜歡攀着Sofa, 床欄或電視櫃企起身, 而且還可以企得很耐...今早, 我又發現佢企圖用四肢脆在地上爬行...掂!!!!

仍未退燒

Ashley發燒第三天了, 吃了退燒藥仍未退燒, 可是, 眼見佢還精靈活潑, 胃口亦無變差, 所以並未再帶她看醫生, 現在只wait and see啦, 看情况再作打算, 唔知係唔係"縕壤"出疹呢?!

2011 農曆新年

今年是Charlotte B出世後的第一個農曆新年, 幸好, 去所有親戚朋友家拜年時, Charlotte B並沒有大哭閙...看見兩個sweeties (Ashley and Charlotte)一天一天地長大, 心裏無限感恩...以下是我們年初一在米埔家拍的照片...

爸爸....媽媽

我不可不承認, Charlotte B最早懂叫姐姐, 然後叫爸爸...我發現佢不懂發"媽媽"音, 最近, 每當我們教她叫媽媽的時候, Charlotte B總是發出爸爸的音...我知道佢是想叫媽媽的, 但奈何發出"爸爸"音...爸爸話"媽媽"音較難發喎....
記得Ashley先懂叫媽媽, 然後姐姐, 爸爸, 婆婆...當時婆婆還投訴為何Ashley這麽遲才懂喊"婆婆", 不公平呢!  而公公呢, Ashley最初一路叫dogdog (公公), 很久才能糾正為"公公"..激死公公啦!

發燒

昨晚放工回家時, 突然接到外婆電話, 說Ashley發高燒, 有39幾度, 聽後, 心裏很擔心, 到外婆家接Ashley時, 佢確實顯得比平常靜, 坐在sofa上, 不作聲,  換了平時, Ashley聽到門鈴聲, 已興奮地開門迎接我...
回到家後, Ashley又有嘔, 又話肚痛, 其實佢前一晚已經跟我說肚痛, 但我並沒有理睬佢, 因為眼見佢仍精靈活潑...但現在我相信佢了, 我懷疑Ashley其實是胃部不舒服, 因為佢在嘔後曾經說不痛了, 可能佢在新年吃得太多nuts類食物, 弄致胃部消化不了...
之後, 情况不太好, Ashley倦到已入睡, 好像十分不對勁, 燒仍未退, 我決定立即帶她到QE急症室...
出發去急症室之時, Ashley被我們弄醒...到了急症室, Ashley被分流為次緊急, 幸好等了個多小時, 就輪到Ashley...最後在驗尿後, 確實沒有發炎跡象, 醫生就給了退燒藥和一些止嘔, 止咳, 止鼻水等藥後, 我們就離開了...其實, 我們也預料結果是這樣, 醫生絕大情况都是以退燒藥治療, 但為了安全起見及安心, 我們仍選擇前往急症室...
雖然今早Ashley仍有發燒(38度幾), 但佢精神很好, 回復以往活潑, 我也可放心了!

美人魚

有一晚吃飯的時候, Ashley突然話自己係美人魚, 擺出美人魚的姿勢, 雙脚彎曲, 像不像就見仁見智了, 我相信是學跳舞的老師教的....另, Ashley又話日本人係跪坐, 雙手合起來, 然後自己又試範一次..天曉得她從那兒學回來的..

物理治療

昨天, 我帶Charlotte去做第二次物理治療, 在的士上, Charlotte B 顯得頗興奮, 間中還對我微笑....當入到治療室, 而Tinah放佢在膠地板上時, Charlotte 立即狂哭, 嗰口仲張得很大....周邊的人都稱奇Charlotte B為何可以哭得這麽巨響, 而她們的小孩卻哭得很細聲及斯文....

因為我心痛Charlotte B哭得如此淒慘, 所以便把她抱起....可是治療師卻教導我不可在BB狂哭時抱她, 以免惡性循環, 導致BB以為哭就可以得到佢想要的東西......唉!鬼唔知呀! 可是, Charlotte的性格跟家姐一樣, 非常頑強, 如果你不理睬佢, 佢可以喊足幾個小時..到最後還喊到嘔....我認為每個B也有其獨特性格, 根本不可一概而論的...

由於Charlotte B不停地在狂哭, 療程根本就不成功, 評估也無法進行...結果我們也無奈地離開, 可憐了媽媽在風塵樸樸地從公司回家接Charlotte到醫院, 然後又匆匆趕回公司...結果也是無功而回....哀哉!!