返根德園幼稚園，好嗎?

有一晚，我跟Ashley睡覺時，我問她喜不喜歡返學, 她說喜歡。
之後，我告訴她下年要到根德園幼稚園返學, Ashley頓了一頓, 問為甚麼, 仲話喜歡迦南幼兒園。
我說, "因為你已大個啦, 要係根德園讀書."
佢說, "迦南幼兒園都有大個啲讀㗎!"
我想一想, Ashley無錯喎, 迦南幼稚園有K1-K3, 所以佢見到大啲的哥哥姐姐, 所以我又說,"根德園校園大啲, 有滑梯."
Ashley答, "我唔玩滑梯, 我鐘意迦南幼兒園...仲有, 如果去根德園幼稚園, 我見唔到Miss Lee呀!"
我頓時沒話好說, 只好重覆, "因為你已三歲啦 , 要學多啲嘢, 所以要去根德園。根德園有好多嘢學呀..."
Ashley說, "我驚驚, 媽媽陪我入去啦!"
我再說, "好啦, 我第一日陪你入去啦...第二日要自己入去㗎..."
Ashley說, "唔得, 第二日都要媽媽陪..."
我說, "好啦, 媽媽陪你, 第三日要自己入去啦..."
Ashley說, "第三日都要媽媽陪!"
我再問, "噤第四日呢?"
Ashley答, "都要..."
我再問, "第五日呢? 第六日呢?"
Ashley答, "都要, 都要..."
我說, "爸爸陪你入去好嗎?"
Ashley答, "要媽媽, 爸爸企喺出面等..."
真給Ashley沒辦法, 現在唯有先答應佢, 遲啲先再算啦.....