有手尾？！

有時，我發覺大小公主都幾有手尾。 如果你前一晚借咗大公主的鬧鐘用，第二朝一早佢會攞番，放回自己的房間。 有一晚，我叫大公主跟我同睡，翌日起床後，大公主第一時間自己拿走自己的枕頭放回自己的睡房，還自言自語說佢個枕頭係應該放在自己的房間裏的，好似好有手尾呢！
至於小公主，每次飲完奶，佢都會從地上執起兩個cushion(一個佢用，另一個係家姐用），然後好似coolie噤揹住兩個cushion係膊頭，運送番窗台（即放回原位），好似好有手尾呢！