無題

某個下午，大公主要去＂便便＂，因為沒有關上廁所門，所以當經過廁所，就會聞到大公主的＂臭臭＂。 工人姐姐忍不住取笑大公主的臭便，大公主不甘示約，反駁工人姐姐，說＂噤你可以cover the nose囉！＂。 工人姐姐答，＂咁臭，點解你自己唔cover the nose嘅？＂ 大公主話，＂我都唔覺得臭！＂

有日，我在地上執到一條頭髮，基於貪方便，便不經意地扔出街（隔離就係窗口，我諗只不過一條細小的頭髮，不算亂拋垃圾囉！） 怎料這＂劣行＂被大公主看到，佢好有正義地說，＂媽媽，點解你要扔嘢落街？＂ 頓時，我真係無言以對，感到有點慚愧。 由於大公主像在等待我的回答，我情急下便求其說，＂冇呀！我想推開嗰窗之嘛！＂ 但大公主似乎不放過我，繼續炮轟我，說她看見我扔了一條頭髮出街。 唉喲！大公主！你放過媽媽啦！ 正當我無言回答時，我發覺嗰條頭髮仍＂痴＂住我隻手，未跌落街。 嘩！太好了！我立即展示給大公主看，證明媽媽沒有扔東西落街（很慚愧啊！） 大公主看見我手中的頭髮，才放我一馬！ 我趁機再補鑊，告訴大公主亂拋垃圾是沒公德心的行為！ 我自認都＂得＂（嘻嘻！）。