點解呀!

小朋友特別喜歡問"點解"，最近大妹無論大小事都問"點解"，弄得我都不曉得答!


譬如我對大妹說不要浪費，因為有些窮的國家的小朋友連飯都吃得不飽。 大妹就一連串問，＂點解佢地冇飯吃？＂＂點解佢地窮嘅？＂
我答:＂因為佢地冇工作機會，冇機會賺錢。＂
大妹問:＂點解佢地冇工作做？＂
我答:＂好似工人姐姐噤，因為佢屋企窮，所以要來我地屋企打工。＂
大妹問:＂點解佢要嚟我地屋企做嘢？＂
我答: "因為姐姐要賺錢俾佢仔仔讀書，印尼冇工做，所以姐姐要離開佢仔仔來我地屋企打工。"
大妹問: "點解姐姐要離開佢仔仔?"
＂點解...點解....

另一次，我對大妹說媽媽要返工賺錢 。
大妹問: "點解隔籬的哥哥的媽媽唔駛返工嘅?"
我答:"佢媽媽唔駛去賺錢囉!"
大妹問:"點解佢媽媽唔駛去賺錢嘅?"
我答:"因為媽媽我想賺多啲錢，可以買多啲嘢俾妳!"
大妹問:"點解佢媽媽唔賺多啲錢嘅?"
我解釋:"可能佢地覺得夠囉。  我地屋企大啲定係佢地屋企大啲?"
大妹答:"我地屋企大啲!"
我答:"所以媽媽要返工賺錢來買大啲屋俾你住囉!"
大妹又問:"點解佢地唔駛間屋咁大嘅?"
投降了，最後我跟大妹來個總結"媽媽要返工賺錢啦!"

又有一次，我告訴大妹有拐子佬，叮囑她不要跟陌生人。她又問點解。
我說：＂拐子佬會賣你們到大陸去。＂
大妹問:＂點解要賣小朋友到大陸？＂
我答:＂因為大陸需要小朋友。＂
大妹問:＂點解大陸要小朋友？＂
我答:＂大睦無咁多小朋友，要小朋友做苦工，要小朋友去行乞。＂
大妹問:＂點解大陸無咁多小朋友？點解佢地要小朋友去做工？＂
我要投降了！最後，我跟大妹說，＂總之，妳不要跟陌生叔叔或姨姨走，否則，你以後都見不到媽媽啦！＂
大妹望着我點點頭。終於我可不用再回應她的＂點解＂了！