驚Dog Dog?!

不知從何時起，大妹由細時看見狗隻便會興奮變成現時一見到狗隻，就驚得尖叫起來，即使在遠處看見，仍害怕得躲在我身後。  細妹也受感染起來，看見狗隻便說"驚驚!" 
可是，咱家屋苑是准許養狗隻的，所以經常會看見狗隻，兩位公主因而常常"誇張地"驚叫起來，連狗主看見她倆受驚的程度也顯得很無奈。

最近，細妹好像想克服驚狗的心態，一見到狗隻，便自言道："我唔驚dog dog㗎!"  然後又重覆對我說："我唔驚dog dog㗎!"。  當佢真的能經過dog dog身旁，而又沒有表現出畏縮的情况，佢便自豪說："我都話我唔驚dog dog㗎!"   其實，我估計細妹嗰句"我唔驚dog dog架"好像是在對自己說，像嘗試不停"催眠"自己不怕狗隻呢!